25 Септември, 2022
0.0259

Осигурителниот пазар порасна 5 отсто, продажбата на полиси достигна 43,7 милиони евра

Објавено во: Економија 17 Јуни, 2021

Добивај вести на Viber

Кај класите неживотно осигурување растат вложувањата во осигурување имот, во приватното здравствено осигурување, осигурување финансиски загуби и во каско осигурување воздухоплови. Кај осигурувањето живот значаен раст на вложувања има кај осигурителниот производ „јунит линкд“ кој е поврзан со вложувања во инвестициски фондови при што инвестицискиот ризик е на товар на осигуреникот

Осигурителниот пазар порасна за 5 отсто во првите три месеци годинава, а продажбата на полиси (бруто полисирана премија БПП) достигна 2,69 милијарди денари (43,7 милиони евра) што е за 1,7 милиони евра повеќе од истиот период лани, покажуваат официјалните збирни податоци на Агенцијта за супервизија на осигурување (АСО).

Во вкупната продажба на полиси 11 компании за неживотно осигурување учествуваат со 2,27 милијарди денари (37 милиони евра), а пет компании кои осигуруваат живот партиципираат со 414,5 милиони денари (6,7 милиони евра).

Споредбено со првите три месеци лани годинава значаен раст на продажбата на полиси имаат: осигурувањето финансиски загуби за 22,5 отсто, осигурувањето од општа одговорност како и осигурувањето имот од пожар и други опасности, двете класи бележат раст за 14 отсто.  Продажбата на приватното здравствено осигурување во овој период е зголемена за 9 отсто. Во полиси за здравствено осигурување граѓани, фирми и институции за три месеци вложиле 124 милиони денари (2 милиони евра), во осигурување од општа одговорност 76,7 милиони денари (1,25 милиони евра), а во осигурување финансиски загуби осигурениците вложиле 9,7 милиони денари (158.000 евра).

Најочигледен резултат на подобрување на продажбата на полиси кое е директен резултат на укинување на ограничувањата што ги предизвика корона кризата има кај каско осигурување воздухоплови. Во оваа осигурителна класа за три месеци осигуреници уплатиле 78,1 милиони денари (1,27 милиони евра), а во истиот период лани приходот од осигурување воздухоплови на компаниите бил само 11.000 денари, што беше резултат на  ограничувањата  предизвикани од здравствената пандемија.

Од аспект на учество во вкупната продажба на полиси најголеми класи на осигурување и понатаму остануваат задолжителното осигурување од автомобилска одговорност (таканаречено А.О.) и осигурувањето имот. Во полиси за АО осигурениците за првите три месеци годинава вложиле 995 милиони денари (16,2 милиони евра). За осигурување имот граѓани, фирми и институции платиле 583,7 милиони денари (9,5 милиони евра).

Во првиот квартал годинава најголемо пазарно учество има „Еуролинк“ пред „Триглав Осигурување“, „Халк Осигурување“, „АДОР Македонија“, „Уника“, „Сава Осигурување“, „Евроинс Осигурување“, „Винер В.И.Г“, „Осигурителна полиса“, „Кроација осигурување – неживот“ и „Граве неживот“. Најголем раст на пазарното учество во ова тромесечје имаат „Халк Осигурување“, „Кроација осигурување - неживот“, „Уника“, „Граве неживот“ и „Винер В.И.Г“.

На пазарниот сегмент осигурување живот евидентен е раст на продажбата на полиси за осигурување живот кога инвестицискиот ризик е на товар на осигуреникот (вложувања во удели на инвестициски фондови или популарно познато како „јунит линкд“ осигурување). Во овој осигурителен продукт за првите три месеци осигуреници вложиле 84,3 милиони денари (1,37 милиони евра) што е за 25 отсто повеќе од истиот период лани.

Најголемо пазарно учество на сегментот осигурување живот во првиот квартал има „Кроација осигурување живот“ пред „Граве“, „Винер Лајф В.И.Г“, „Уника Лајф“ и “Триглав осигурување живот“. Во ова тромесечје раст на пазарното учество остварија „Триглав осигурување живот„ „Уника Лајф“ и „Винер Лајф В.И.Г “.

Повеќе податоци за осигурителниот пазар во првите три месеци годинава се достапни на следниот линк.


Можеби ќе ве интересира

Кина се отвора кон светот за инвестирање, корист од тоа ќе има целото човештво

Кина се отвора кон светот за инвестирање, корист од тоа ќе има целото човештво

ПОРАДИ КРИЗАТА ОВОЈ БИЗНИС ОСТВАРУВА СЕРИОЗНИ ПРОФИТИ - заложниците имаат полни раце работа, луѓето оставаат прстени, ѓердани, Ролекси....

ПОРАДИ КРИЗАТА ОВОЈ БИЗНИС ОСТВАРУВА СЕРИОЗНИ ПРОФИТИ - заложниците имаат полни раце работа, луѓето оставаат прстени, ѓердани, Ролекси....

ДАЛИ ЌЕ ПУКНЕ БАЛОНОТ НА ПАЗАРОТ НА НЕДВИЖНОСТИ - шпански експерт за цената и трендовите во Европа

ДАЛИ ЌЕ ПУКНЕ БАЛОНОТ НА ПАЗАРОТ НА НЕДВИЖНОСТИ - шпански експерт за цената и трендовите во Европа

ДАЛИ СТЕ НЕМАЛЕ СТРУЈА МАКАР ЕДЕН ЧАС, ЕДНА МИНУТА, ЕДНА СЕКУНДА - Фатмир Битиќи со прашање до опозицијата во Собрание

ДАЛИ СТЕ НЕМАЛЕ СТРУЈА МАКАР ЕДЕН ЧАС, ЕДНА МИНУТА, ЕДНА СЕКУНДА - Фатмир Битиќи со прашање до опозицијата во Собрание

СЕ ОГЛАСИ АДОРА ИНЖЕНЕРИНГ - ќе ги продадеме топланите Исток и Запад по иста цена по која ги купивме, заедно со побарувањата, а нејасен закуп ни прави штети

СЕ ОГЛАСИ АДОРА ИНЖЕНЕРИНГ - ќе ги продадеме топланите Исток и Запад по иста цена по која ги купивме, заедно со побарувањата, а нејасен закуп ни прави штети

Претседателот Пендаровски се запозна со работниот процес на „Костал Македонија“

Претседателот Пендаровски се запозна со работниот процес на „Костал Македонија“

ПОШТА И ПОНАТАМУ ЌЕ ИМА МОНОПОЛ НА ПАЗАРОТ НА РЕЗЕРВИРАНИ ПОШТЕНСКИ УСЛУГИ, законските измени се во собрание

ПОШТА И ПОНАТАМУ ЌЕ ИМА МОНОПОЛ НА ПАЗАРОТ НА РЕЗЕРВИРАНИ ПОШТЕНСКИ УСЛУГИ, законските измени се во собрание

Кој ја ѕида акцијата на „Гранит“? Рекордна годишна цена, во еден ден истргувани акции за половина милион евра!

Кој ја ѕида акцијата на „Гранит“? Рекордна годишна цена, во еден ден истргувани акции за половина милион евра!

ЦЕНИТЕ НА МЛЕКОТО ГИ „ПОБУДАЛЕА“ ГРАЃАНИТЕ, АМА ИНСПЕКТОРИТЕ НЕ НАШЛЕ НЕОПРАВДАНО ЗГОЛЕМУВАЊЕ - директорката на Пазарна инспекција за Фактор

ЦЕНИТЕ НА МЛЕКОТО ГИ „ПОБУДАЛЕА“ ГРАЃАНИТЕ, АМА ИНСПЕКТОРИТЕ НЕ НАШЛЕ НЕОПРАВДАНО ЗГОЛЕМУВАЊЕ - директорката на Пазарна инспекција за Фактор