Османи: Обвинителот Јовевски не е добар за Албанците

Добивај вести на Viber

Во Македонија речиси секогаш без исклучоци кога има спорни судски процеси од ракав се вади џокерот наречен етничка припадност и тогаш правдата не постои, односно една етничка заедница или по правило не е виновна за ништо или пак е виновна за се. 

Новоизбраниот јавен обвинител кој доби целосна поддршка од парламентарното мнозинство сега се најде на тапет од страна на албанската етничка заедница во Македонија во случајот на прегазувањето на малиот Алмир од Куманово и се изразува огромно незадоволство поради преквалификацијата на кривичното дело. 

Семејството на трагично загинатото детенце како и адвокатите бараат убиство со умисла бидејќи автомобилот со кој возеа нападнатите браќа од Куманово намерно удрил во недолжните луѓе при што Алмир го загуби животот.

Случајот е секако многу тежок, но без да навлегуваме во правните детали за што секако се задолжени институциите на системот веднаш гледаме дефетизам и враќање на стариот вид на квалификации и опструкции од албанската заедница. 

Секако, протести и притисоци се сосема дозволени, па дури и пожелни, особено што за овој случај добро е информирана целата јавност. Но, да се прогласува јавен обвинител, без оглед на неговите способности и актуелна вина во случајот, за непожелен затоа што бил против албанците е апсурд.

Таквите обвинувања стигнаа од адвокатот и екс обвинител Сејфула Османи кој во Клик Плус на ТВ 21 тврдеше дека Јовески уште на почетокот на 90-тите бил дел од случаи во кои Албанци биле дискриминирани, измачувани и неправедно осодувани затоа што поседувале оружје и биле активисти на ДПА иако самата јавност многу добро ги памети овие крвави настани кои беа предвесник на воениот конфликт во 2001 година.

Х.С.