Османи: Реверзибилноста е позитивен момент, иако предизвикува страв
Објавено во: Македонија 18 Ноември, 2019
Вицепремиерот Бујар Османи, со францускиот амбасадор Кристијан Тимоние, денеска разговараа за новата методлогија за прием во ЕУ.
Османи имал можност да го добие документот.
На прво читање, Османи вели дека има позитивни работи.
„Овој документ излегува многу брзо по октомврискиот самит, што е добро, и таа динамика веднаш се раздвижува“, вели Османи.
Второ што е многу важно е дека француската држава, јасно кажала дека нема алтернатива, вели тој.
Османи вели дека реверзибилноста е позитивен момент, иако предизвикува страв. Tој додаде дека како политичари немаат право на емоции, туку треба да го европеизираат општеството.
Тимоние рече дека е среќен што ги слушнал коментарите на Османи. Вели дека има многу позитивен пристап, и дека за новата методологија Франција ќе мора да разговара со другите земји членки. Aмбасадорот вели дека ова е прв чекор и дека работите тргнале добро.