Османи за НБРМ: Демантирам дека кога било или со кого било е разговарано за комбинација со Фатмир Бесими
Објавено во: Македонија 15 Јули, 2019
Портпаролот на ДУИ, Бујар Османи за „360 Степени“ ги демантира шпекулациите дека неговата партија бара од премиерот Зоран Заев, Фатмир Бесими да биде назначен за гувернер на Народна банка.
„Прво, во коалицијата не функционираме со условување, туку со меѓусебно разбирање и договарање. Второ, демантирам дека кога било или со кого било е разговарано за таква комбинација. Фатмир Бесими е професионалец, кого би го посакала секоја економско-финансиска институција, вклучувајќи ја и Народната банка, но, тоа е прашање на неговата професионална етика и експертиза, а не на партиско – политичка комбинаторика“, изјави Османи за „360 Степени“.
Коха објави дека ДУИ бара Заев да ја постави Анита Ангеловска Бежовска за министер за финансии за на нејзино место да може да биде назначен Фатмир Бесими како гувернер на Народна банка.