Османи за „Рекет“: Да се истера неселективно случајот до крај
Објавено во: Македонија 22 Август, 2019
„„Рекет“ силно влијание врз севкупната општествена и политичка активност на земјата. Случајот се закани директно врз институционалниот капацитет на државата, неселективно да се справува со организираниот криминал и корупција и владеење на правото“, истакна на прес конференција вицепремиерот за економски прашања Бујар Османи за сучајот кој повеќе од месец дена ја „тресе“ земјава.
Османи потенцираше дека како главен политички преговарач на земјава со Европската унија повикува на целосна поддршка на правосудните органи на брза ефикана и транспарентна постапка, со што и се обезбедило повторна доверба во институциите.
Вицепремиерот истакна дека е задоволен од досегашната истрага и одвивање на „Рекет“ и побара неселективно расчистување на случајот до крај.
Владеењето на правото и борбата со корупција е алатка без која нема напредок ниту просперитет кон ЕУ, рече Османи одговарајќи на новинарско прашање.