Освојте пежо 2008 во големата новогодишна наградна игра на Веро
Објавено во: Мои пари 19 Ноември, 2020
Веро подготви големо новогодишно изненадување за своите потрошувачи – наградна игра со многу вредни награди и најпримамливи главни премии, автомобил пежо 2008 актив (Peugeot 2008 Active) и телефон самсунг галакси ноут 20 (Samsung galaxy note 20).
Новогодишната наградна игра „Веро повторно ве радува и со ново пежо ве наградува“ почна од 15 ноември и ќе трае до 30 декември. Покрај двете главни премии, наградниот фонд го сочинуваат и голем број вредни награди, како што се 6 таблети, 6 мобилни телефони, 6 телевизори, 6 лаптопи, 30 рачни часовници, како и по 30 вредносни ваучери од 1.000 и 2.000 денари.
Во новогодишната наградна игра на Веро може да учествуваат сите потрошувачи кои ќе направат сметка од 300 денари за означените промотивни производи во маркетите. За секоја таква сметка добиваат купон, кој треба да го пополнат со лични податоци и да го остават во означените кутии поставени во секој Веро маркет. Секоја сабота со јавно извлекување во Веро центар во Скопје ќе се доделуваат неделни награди, односно по еден таблет, мобилен телефон, телевизор, лаптоп, по 5 рачни часовници и по 5 вредносни ваучери од 1.000 и 2.000 денари.