Откриен радиоактивен облак над Европа: Научниците во паника не го знаат изворот на радијација!
Објавено во: Свет 21 Февруари, 2017
Ширум Европа во јануари оваа година е забележан загрижувачки степен на радијација, а научниците цело време безуспешно се обидуваат да го откријат нејзиниот извор.
Некои се сомневаат дека за се е виновно нуклеарното тестирање кое Русите го извеле на Арктикот, а други пак дека за опасното зрачење е одговорна фармацевтската индустрија. Францускиот нуклеарен институт IRSN соопштил дека во трагите детектирале радиоактивен јод-131 во атмосферата над северна Норвешка, Финска, Полска, Германија, Чешка, Франција и Шпанија.
Експертите се загрижени бидејќи не знаат што е причина на зголемената радијација, а наводно денеска е во границите на нормалата.
Норвешката агенција за заштита од радијација NRPA ја потврдила оваа загрижувачка информација, но уверува дека моментално нема опасност за човештвото. Веќе некое време се шушка дека Русија во тајност тестирала нуклеарно оружје на арктичкото подрачје, наводно во областа на Новаја Земја.
Радиокатиен јод-131 прв пат го откриле научници од два универзитети во Калифорнија во 1938 година, а подоцна го поврзале со радиоизотоп сличен од тестирањето на атомски бомби кои во 1950-тите ги спровеле Русите и Американците.
Истите опасни честички се заканувале и после нуклеарната катастрофа во Чернобил во Украина во 1986 година, и после несреќата во нуклеарната електрана Фукушима во Јапонија во 2011 година. Но спорниот јод-131 се користи и во медицинската индустрија и тоа за лекување на болести и рак поврзани за штитната жлезда.