Отровна змија касна жена на плажа во Сплит
Објавено во: Балкан 29 Јуни, 2022
Отровна змија касна жена на плажа во хрватскиот град Сплит.
Станува збор за романска државјанка со адреса на живеење во Сплит, пишува денеска локалниот портал Далмација Данас. Жената раскажала дека и заѕвонил мобилниот телефон на плажата и дека откако решила да одговори се повлекла во сенката на блиското дрво.
„Зборував, а потоа одеднаш почувствував силна болка. Кога погледнав во ногата, видов змија како бега во блиската грмушка“, рекла Моника.
Додала и дека имало многу крв, бидејќи се потврдило дека змијата ја каснала во вена.