Отворен Научно технолошкиот парк, Манчевски верува во подобра младина

Добивај вести на Viber

Фондодт за иновации и технолошки развој заедно со министерот за администрација и информатичко општество денеска го отворија Научно технолошкиот парк за соработка помеѓу универзитетите и компаниите и полесно интегрирање на младите според овој концепт.

- Од денес ќе имаме простор и подобри услови за градење подобри услови за технички спремна и обучена младина, Имаме млади луѓе кои имаат потенцијал. Технологијата оди напред со глобалниот раст. Само земете го во предвид фактот што првиот паметен телефон е направен пред 12 години и со каква брзина се омасови - рече министерот Манчевски.

Во Научно терхнолошкиот парк ќе има сајбер-академија и тренинг-центар.Сместен е во комплексот технички факултети на УКИМ во населбата Карпош 2 а во втората етапа е предвидено негово проширување во следните пет години со изградба на нови капацитети и лаборатории.

Научно – технолошкиот парк во Скопје ќе биде раководен од Универзитетот.  Според директорот на Фондот за иновации и технолошки развој Јован Деспотовски, концептот се заснова на три столба, и тоа дигитализација во економијата, општеството и државните институции; трансфер на технологии; и акцелерација на старт – ап компании и нивна интеграција во паркот. Предложениот концепт за научно – технолошкиот парк во Скопје се изготвува од меѓународната консултантска куќа „ДАИ“, како и претставници на делегацијата на Европската унија во Македонија.