27 Мај, 2022
0.0281

ОТВОРЕНО ПИСМО ДО ПЕТКОВ И ДО КОВАЧЕВСКИ: Кирил Лазаров им порача да создадат иднина

Објавено во: Мои пари 17 Јануари, 2022

Претседателот на македонско-бугарската стопанска комора во Македонија Кирил Лазаров упати отворено писмо до премиерите на Македонија и на Бугарија, Димитар Ковачевски и Кирил Петков во пресрет на нивната прва официјална средба утре во Скопје. Неговото писмо го објавуваме во целост:

Почитувани премиери на Владите на Бугарија и Северна Македонија, господин Кирил Петков и господин Димитар Ковачевски, Преку ова отворено писмо сакам од мое лично име како претседател на македонско-бугарската стопанска комора и од име на сите оние кои партиципираатво неа, да го изразам задоволството од најавената средба која има можност да биде и историска ако двете страни имаат поглед кон иднината. 

Ја имате почитта и поддршката од целата комора да пристапите кон суштинските проблеми кои ги тиштат двете општества и да најдете решенија кои на двата народа ќе донесат прогрес, иднина, работни места, економија и поврзување. Имате историска должност кон сите оние кои живеат денес и ќе продолжат да живеат и утре, или после 10, 30 или 50 години, затоа што денес ја пишувате иднината и новата историја, историја во која ќе пишува дека Вие двајцата лидери сте нашле решение во кое ќе има нови автопати, нови гранични премини, во кое ќе профункционира железничката трансверзала, ќе имаме директен лет Скопје-Софија, и решение во кое ќе дефинирате иднина во која ќе се разговара колку многу наши драги соседи од Бугарија ќе дојдат во Охрид или Маврово, а колку Македонци ќе отидат во Банско или Сончев Брег. 

Создадете иднина за која ќе се зборува со силни емоции, со среќа и љубов за двата народа, за благосостојба на нашите деца. Создадете енергија за нашите народи да се почитуваат, поздравуваат и да се прегрнуваат каде и да се сретнат. Нели сме братски народи со заедничко минато и уште позаедничка иднина? Да зборуваме за гасоводи, автопати, ветерници, хидроцентрални, фотоволтаици, да ги споиме нашите народи во земјоделието, туризмот, одбраната и образованието. Имаме толку многу заедничко, а толку малку разлики, можеме многу повеќе во економијата и трговијата. Посејте го семето на пријателството наместо на омразата, тоа впрочем им го должиме на нашите деца и поколенија. Запрете го миграцискиот пустош кој ни се случува во двете држави и договорете се да останеме тука и да живееме едни покрај други во хармонија, наместо некаде далеку, да бидеме Mакедонци и Бугари во Македонија и Бугарија, наместо странци во Англија и Германија. Нашите економии и трговска размена имаат огромен потенцијал за да нашиот капитал и работници останат тука. Се друго е ризик за нашите држави бидејќи живееме во најтурбулентните времиња кои носат многу неизвесности и опасности изразени преку наголемата енергетска, пандемиска и економска криза. Вие доаѓате од бизнисот, исто и јас, знаеме што е бирократија, корупција, блокади, пречки и знаете што треба да направите за да го елиминирате сето тоа. Во светло на денешната средба и заедничката иднина ја имате целокупната нашата поддршка. Ве чека многу работа, но иста цел! Направете чекори кои ќе не зближат, а ние како народи ќе знаеме да го почитуваме тоа! Бидете оние кои ќе ја напишат новата економска историја и за кои ќе се зборува многу долго од денес па натаму.

Можеби ќе ве интересира

11 нови македонски чинари во дворот на училиштето Коменски

11 нови македонски чинари во дворот на училиштето Коменски

ИУТЕКРЕДИТ ЈА КУПИ МОЛДАВСКАТА ЕНЕРГОБАНК И ГО ЗГОЛЕМИ КАПИТАЛОТ И БРОЈОТ НА КЛИЕНТИ - резултати за првиот квартал од годинава

ИУТЕКРЕДИТ ЈА КУПИ МОЛДАВСКАТА ЕНЕРГОБАНК И ГО ЗГОЛЕМИ КАПИТАЛОТ И БРОЈОТ НА КЛИЕНТИ - резултати за првиот квартал од годинава

По 11 успешни детски театарски претстави Скопје Сити Мол и Синеплекс најавуваат продолжување на Мој театар – Сити театар наесен

По 11 успешни детски театарски претстави Скопје Сити Мол и Синеплекс најавуваат продолжување на Мој театар – Сити театар наесен

НЛБ Банка доби национална награда за општествена одговорност и признание за најинвентивна практика за проектот „НЛБ Рамка за помош“

НЛБ Банка доби национална награда за општествена одговорност и признание за најинвентивна практика за проектот „НЛБ Рамка за помош“

Кузмановиќ: Vivo смартфоните во Македонија ќе донесат квалитет и долгорочна поддршка на корисниците

Кузмановиќ: Vivo смартфоните во Македонија ќе донесат квалитет и долгорочна поддршка на корисниците

ГОЛЕМ ИНТЕРЕС ЗА МЛАДИНСКИОТ ПРЕДИЗВИК – ГЕНЕРАЦИЈА БЕЗ ГРАНИЦИ, ПРИЈАВЕТЕ СЕ!

ГОЛЕМ ИНТЕРЕС ЗА МЛАДИНСКИОТ ПРЕДИЗВИК – ГЕНЕРАЦИЈА БЕЗ ГРАНИЦИ, ПРИЈАВЕТЕ СЕ!

Караванот на Халкбанк „Приказни од моето маало“ го посети Штип

Караванот на Халкбанк „Приказни од моето маало“ го посети Штип

A1 Македонија повторно со најбрза мобилна мрежа на територијата на целата држава

A1 Македонија повторно со најбрза мобилна мрежа на територијата на целата држава

ВАЖНО СООПШТЕНИЕ: КОНЦЕРТОТ НА ДАЈТЕ МУЗИКА СЕ ПРЕЗАКАЖУВА ЗА 18-ТИ ЈУНИ!

ВАЖНО СООПШТЕНИЕ: КОНЦЕРТОТ НА ДАЈТЕ МУЗИКА СЕ ПРЕЗАКАЖУВА ЗА 18-ТИ ЈУНИ!