Ова е закана за светскиот поредок
Објавено во: Свет 07 Август, 2019
Американските санкции се закана за светскиот поредок, велат венецуелските власти.
Потпретседателката на Венецуела Делси Родригез, изјави дека најновите американски санкции, со кои е смрзнат имотот на венецуелската влада, претставуваат напад врз приватната сопственост и закана за светскиот поредок.
„САД мора да сфатат една за секогаш дека не се сопственички на светот“, кажа Родригез.
Таа додаде дека „секоја земја која има инвестиции во САД треба да биде многу загрижена затоа што со тоа (замрзнувањето на имотот) се поставува опасен преседан против приватната сопственост“.
Родригез наведе и дека американските мерки најверојатно ќе му донесат дополнителни тешкотии на народот на Венецуела кој од претходно трпи последици на хиперинфалцијата и длабоката рецесија.
САД во понеделникот објавија дека го замрзнуваат сиот имот на венецуелската влада, а странските компании кои ќе го продолжат работењето со владата на социјалистичкиот претседател на Венецуела, Николас Мадуро може да се најдат на мета на американски санкции врз основа на таа одлука.