Ова ретко кој го преживува: Удирил во бетонски ѕид на наплатна рампа, автомобилот летал во воздух како да е играчка (ВИДЕО)

Добивај вести на Viber

Возач на автомобил во Кина би требало да го прослави 24 ноември како свој втор роденден бидејќи преживеал страшна сообраќајка на наплатна рампа во кинеската провинција Лиаонинг.

Имено, со голема брзина налетал на бетонскиот ѕид во близина на наплатната рампа, по што автомобилот буквално се катапултирал во воздух.

Несреќата се случила околу 20 часот и 20 минути, а била снимена од надзорна камера. Шокантна снимка покажува како автомобилот брзо се приближува до патарината Шихе на автопатот Шенгјанг-Далиан.

Од непозната причина, возачот наместо да сврти на една од коловозните ленти, директно удрил во бетонската преграда. Сепак, наклонот кај разделникот делувал како совршена рампа, катапултирајќи го автомобилот кон небото, најмалку 20 стапки во воздухот. По летот автомобилот паднал директно на покривот.

Локалните медиуми јавуваат дека противпожарните бригади пристигнале на местото во 20:39 часот и констатирале дека возачот ја преживеал несреќата. Успеале лесно да го извлечат човекот од урнатините. Не се знае со какви повреди се здобил возачот, но судејќи по видеото чудо е што воопшто преживеал.

Во секој случај, обликот на преградата можеби го спасило возачот, бидејќи доколку се постават поцврсти и поправи бетонски блокови, овој судир сигурно ќе завршел трагично.

Фото и Видео: Youtube