Ова се цените на горивата по кои ќе полните резервоари неделава
Објавено во: Економија 14 Јануари, 2020
Неделава нафтените деривати ќе се точат по стари цени.
Одлуката на РКЕ е да не се промени ништо во однос на ценовникот иако нафтата на светските пазари претходната недела забележа раст.
Тоа значи дека и оваа седмица, возачите ќе полнат резервоари со ЕУРОСУПЕР БС-95 за 68 денари за литар.
Оние кои возат на ЕУРОСУПЕР БС-98 ќе плаќаат 70 ден/литар, додека дизелашите ќе точат за 62,5 денари по литар.
Она што поскапува е мазутот. Тој ќе се продава 40,424 денари за килограм додека цената на екстра лесното масло за домаќинство (ЕЛ-1) останува 51,5 денари за литар.
Цените стапија на сила на полноќ и ќе важат се до понеделник напладне кога надлежната комисија за енергија ќе го утврди новиот ценовник.