ОВА СЕ МОИТЕ ЛИЧНОСТИ НА ГОДИНАТА: Кој е изборот на Бранко Азески - меѓу нив и еден премиер

Добивај вести на Viber

Тие се личности кои секако имаат белег, свој придонес за процесите во земјава во 2021 година. Но за Фактор одговараат кои се според нив тројцата кои ја одбележаа годината што изминува - можеа да се личности ама може да се и компании, институции. Ова е изборот на Бранко Азески, претседателот на Стопанската комора на Северна Македонија.

1. Компанијата БРАКО, во услови на повеќе димензионална светска криза произведува иновативните еколошки решенија и доминира во извозна активност на машини за производство на електрична енергија и медицински помагала и опрема за пазарите во највисоко развиените економски држави во светот.

Во услови на светска криза од различни сегменти, Брако под водство на Кочо Анѓушев изработи иновативно еколошко електрично возило од брендот „Green Machines“ за одржување на хигиена на надворешни површини, пешачки зони, плочници, улици и трговски центри, чија иновативност е во зголемени перформанси на вшмукување, поголем капацитетот за филтрирање на прав, и за три пати намален број на издувни ПM честички. Електричното возило ќе биде промовирано на саем во Минхен во мај. Сериското производство почнува во јуни.

Групацијата Брако – Фероинвест произведе и опрема за две други хидроелектрани во Грузија ХЕ „Ипари“ и ХЕ „Келра“ кои веќе две години успешно произведуваат електрична енергија.

Еден од главните успеси на Брако производство на медицинскиот мебел и разни помагала за скандинавските држави.

2. Стопанската комора, со проектот „Комора на иднината“ и наградата „Дигитален шампион“ за проектот за дигитализација на процесите и издавање е-документи од страна на Комората, што им се потребни на македонските компании во надворешно-трговското работење, го верификуваше концептот замислен уште во 2010 година, кога оваа институција го пласира за прв пат планот кон забрзан економски развој на Македонија и тој план во себе подразбираше и таква Комора која ќе биде ставена во интересите на тоа централно прашање. 

Наградата за дигитален шампион на Комората и ја доделија Светската трговска организација (WTO), Meѓународната Стопанска Комора (ICC) И Меѓународниот центар за трговија (ITC).

Комората на иднината и наградите кои стигаат на контото на најстарата и најмоќната бизнис асоцијација во пресрет на одбележување на својата 100-годишнина се процеси постигнати и верификувани со макотрпна и упорна работа на Комората во изминатите 15 години, кога од амбисот успеа да во своите редови денес ги има десетте најголеми, најпрофитабилни и извозно ориентирани компании, како и десетте најуспешни бизнисмени, десетте најдобри коморски кадрови во државата, десет регионални експерти итн.

3. Зоран Заев, поранешен премиер на РС Македонија

Моралната димензија на начинот на кој одлучно и непоколебливо поднесе оставка и од премиерската но и од лидерската позиција во партијата, по неуспехот на локалните избори. 

На државно, регионално и меѓународно ниво истиот Заев добива потврда и е чин кој треба да биде пракса и пример како политичките лидери треба да носат одлуки во вакви специфични ситуации. 

А.Т.