Оваа жена тврди дека Путин наредил да ја убијат и јавно се откажува од Русија

Добивај вести на Viber

Руската манекенка Ана Шапиро вели дека рускиот претседател Владимир Путин лично наредил нејзино убиство во Солсбери. 

Таа тврди дека Кремљ сака нејзина ликвидација. 

30-годишната Ана и нејзиниот 42-годишен сопруг Алекс Кинг, вечерале во ресторанот „Прецо“ минатата седмица во Солсбери кога им се слошило. Таа открива дека својот сопруг го пронашла на подот на машкиот тоалет со пена во устата. Алекс се бори за својот живот, а разузнавачките кругови во Велика Британија сметаат дека можеби на парот им е подметнат стрихинин.

„Не сум го видела Алекс повторно, тој е во вештачка кома. Келнерот и јас моравме да се соблечеме до гола кожа и да се истушираме пред тестирањата“- открива таа и вели дека докторите носеле заштитни одела.

Манекенката верува дека зад овој напад стои Путин, баш како и во случајот на труењето на поранешниот шпион Сергеј Скрипал и неговата ќерка Јулија во март.

Таа е пуштена од болница во понеделникот и сместена е во локален хотел каде што 24 часа ја чуваат полицајци.

Манекенката јавно се откажала од Путин, Русија и од семејството иако нејзиниот татко бил генерал, по што добила смртни закани. 

Ана е родена во Русија, но добила израелско државјанство во 2006-та година против волјата на своето семејство. Две години подоцна се преселила во Лондон каде го запознала Алекс, а минатиот месец се венчале. Манекенката смета дека руската разузнавачка служба мисли дека таа е шпион.

Инцидентот по втор пат предизвика „опсадна состојба“ во Солсбери во последните неколку месеци.