Овие два фактори се важни за задоволен работник
Објавено во: Стил 18 Септември, 2017
Последните истражувања покажуваат дека пофалбите и заблагодарувањето за добро завршената работа се клучни фактори за да еден работник биде задоволен.
Германскиот економски институт објави текст во кој се наведува дека задоволни се оние работници кои добиваат покачување, добиваат пофалби и можат да напредуваат во кариерата.
Веќе 27 години се испитуваат работните услови во ЕУ, а во 2015 година опфатени беа 44.000 испитаници.
Незадоволни се работниците кои имаат долг работен ден, кои се под притисок на временските рокови, или се прекинувани во текот на работењето.
Најсреќни работници се Австријците и во оваа земја од анкетираните 93% се изјасниле дека се среќни на работа.
Во Германија задоволни од работата се 88% од вработените.