12 Декември, 2019
0.0204

Пациентот со вештачко срце една година по операцијата: Жив сум, како нинџа-желка, со ранец на грб кој тежи 7 килограми

Објавено во: Македонија 16 Јули, 2019

Горан Спиров е 46-годишниот маж од Штип на кого лани, точно пред една година му беше вградено првото вештачко срце во Македонија. 

Д-р Александар Николиќ, кој ја изведе оваа револуционерна операција, изјави дека ваквата направа го спаси животот на Горан, но секако дека вистинско живо срце е најдобрата опција за пациентот.

Тој очекува во иднина да се сменат законите кои не дозволуваат да се изврши операција на пресадување на срце во приватните болници, бидејќи болницата „Аџибадем Систина“ е веќе подготвена за таква интервенција.

Спиров вели дека се чувствува живо, дека му е мило што секое утро се буди како и сите останати луѓе, но посакува да добие вистинско срце со кое животот целосно ќе му се врати во нормала.

- Сега сум како нинџа-желка, носам постојано ранец кој тежи 7 килограми. Убаво е да си нинџа-желка, но уште поубаво е да си обичен човек- низ смеење вели ентузијастичниот Спиров.

Ранецот за кој зборува Спиров, а стои постојано до него, е всушност апаратот кој го претставува вештачкото срце на Горан, а она по кое веднаш ќе го забележите се гласните срцебиења кои се слушаат од апаратот.

Тоа е секојдневието на Горан, неговата сопруга и семејство, бидејќи засега сѐ уште не постои апарат кој е бесшумен или бежичен, но сепак како што и самите велат веќе се навикнале на тој звук.


Горан целиот свој живот бил спортист и живеел здрав живот, а тоа е она што е потребно за човечкиот организам да може да издржи една ваква операција. Фабриката која ги произведува апаратите гарантира 5 години живот на пациентот, но според Д-р Николиќ тој период може и да се продолжи, доколку е сѐ во ред.

За една недела, на 25-ти јули Горан ќе наполни 47 години, и е вечно благодарен на тимот доктори кои го спасија неговиот живот.


Пациентот Горан Спиров и Д-р Александар Николиќ, пред една година, непосредно по операцијата

Оперативниот зафат на вградување целосно вештачко срце, којашто беше изведена во ноќта помеѓу 11 и 12 јули, минатата година и траеше повеќе од пет и пол часови, комплетно ја изведе тимот од „Аџибадем Систина“, предводен од шефот на Одделот за кардиохирургија, проф. д-р Александар Николиќ, а пациентот Спиров по едномесечен постоперативен период во Клиничката болница „Аџибадем Систина“ си замина дома.

Механичкото срце е со иста големина како и природното. Се напојува со батерија, којашто, пациентот ја носи во специјален ранец на грб. Вградувањето механичко срце е тренд во светската кардиохирургија, со оглед на фактот што сè потешко се доаѓа до донорско срце. Со новото срце, пациентот добива нова шанса за живот и нови шест години за наоѓање соодветен трансплантат.

Даница Караташова


Можеби ќе ве интересира

Божиновски за „Рекет“: Испуштена е контролата и процесот е надвор од судот

Божиновски за „Рекет“: Испуштена е контролата и процесот е надвор од судот

Maкедонец уапсен во Словачка поради убиство

Maкедонец уапсен во Словачка поради убиство

ФОКУС НА ДЕНОТ: Се појавија нови снимки за „Рекет“, во Пробиштип се отвори фабрика

ФОКУС НА ДЕНОТ: Се појавија нови снимки за „Рекет“, во Пробиштип се отвори фабрика

Заев: Изградбата на меѓусистемска гасна врска Петрич-Струмица е сериозен потенцијал за развој на земјата

Заев: Изградбата на меѓусистемска гасна врска Петрич-Струмица е сериозен потенцијал за развој на земјата

Заев кажа што мисли за заканите упатени кон неговото семејство

Заев кажа што мисли за заканите упатени кон неговото семејство

На северот од Македонија вечерва најзагадено

На северот од Македонија вечерва најзагадено

ДУИ знаеле дека цел закон е испратен во Венецијанска комисија, тврди Заев

ДУИ знаеле дека цел закон е испратен во Венецијанска комисија, тврди Заев

УШТЕ ЕДЕН „НОН ПЕЈПЕР“: Девет европски држави објаснуваат како да се интегрира Западен Балкан

УШТЕ ЕДЕН „НОН ПЕЈПЕР“: Девет европски држави објаснуваат како да се интегрира Западен Балкан

Заев од Пробиштип: „Кранфилд Фаундри“ ќе дава плата повисока од просечната

Заев од Пробиштип: „Кранфилд Фаундри“ ќе дава плата повисока од просечната