Падна првата пресуда за Асанж по спектакуларното апсење
Објавено во: Свет 12 Април, 2019
Џулијан Асанж се соочува со 12 месеци затвор, откако беше прогласен за виновен за избегнување на плаќање на кауција.
Основачот на Викиликссе појави во британскиот суд синоќа откако беше сензационално уапсен во амбасадата на Еквадор во Лондон, каде што тој доби политичко засолниште во изминатите седум години.
Судијата ја нарече одбраната на Асанж "смешна" и неговото однесување на "нарцис кој не може да ги надмине сопствените себични интереси", откако се изјасни дека не е виновен за прекршување на условите за кауција, тврдејќи дека тој го сторил тоа бидејќи никогаш не можел да очекува фер судење во Велика Британија.
Асанж покрај тоа што е обвинет за силување во Шведска, се гони и за пробивање на лозинката на класифициран владин компјутер на САД во 2010 година. Неговиот хакерски упад го овозможи најголемиот проток на доверливи информации во историјата на САД.
Одделот за правда во САД потврди дека е обвинет за компјутерски криминал, кој, ако биде прогласен за виновен, може да резултира со петгодишен затворски рок.
Еквадорскиот претседател Ленин Морено вчера драматично го повлече неговиот статус на азилант, обвинувајќи го за неговото "нескротливо и агресивно однесување", и продолжување да работи со Викиликс додека бил сместен во амбасадата.
Претседателот на САД, Донад Трамп, кој изјави дека го сака Викиликс за време на неговата кампања во 2016 година, кога веб-страницата објави компромитирачки пораки во врска со Хилари Клинтон, сега изјави дека „не знае ништо за него".