„Паднаа“ пресуди за македонските државјани кои војувале во Сирија
Објавено во: Македонија 21 Март, 2019
Македонските џихадисти добија казни од 6 до 9 години затвор. На шест обвинети за војување во Сирија, Елмедин Османи, Ахмед Џенгис, Орхан Жупани, Бујамин Фетон, Ибрахим Шабани и Алмир Миртовски, судот им изрече 6 -годишна казна затвор, а казна од 9 години доби Сафер Рамадани кој бил и припадник на „Исламска држава“ и одговараше и за терористичка организиација. Овие казни ги добија откако пред два дена на судењето признаа вина, изразија жалење и ветија дека нема да прават нови кривични дела.
Според обвинителството за организиран криминал освен што војувале обвинетите собирале финансиски средства за лица кои учествуваат во овие паравоени формации, а преку социјалните мрежи повикувале, врбувале и поттикнувале и други борци.
Во соработка со партнерите од Глобалната коалиција за борба против тероризмот и Сириските Демократски Сили, овие обвинети беа приведени и предадени на македонските власти во август лани, а обвиението е подигнато во декември.