ПАЃА СНЕГ ВО МАКЕДОНИЈА: Внимавајте на патиштата
Објавено во: Македонија 19 Март, 2018
Врнежи од дожд и снег има во Крушево.
На планинскиот превој Стража попладнево поради магла е намалена видливоста до 100 метри.
На останатите патишта низ Македонија, како што информира Авто мото сојузот на Македонија, сообраќајот се одвива по влажни коловози.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.