Пандемиската апстиненцијата заврши за жичницата, пуштена во употреба

Добивај вести на Viber

Жичницата на Водно од денеска е повторно во употреба, откако претходно не работеше во текот на целиот пандемиски период. 

Во текот на денот ќе се врши дезинфекција на внатрешноста на кабините. Жичницата ќе работи секој ден, освен секој понеделник и последниот вторник во месецот. Пуштени се и автобуските линии до Средно Водно кои за време на викенд и за државни празници се бесплатни за сите категории патници. Дозволен е превоз на домашно милениче куче со мал/среден раст и превоз на куче/придружник на лицата со хендикеп.

- Изминатиов период се завршени сите неопходни процедури за пуштање на жичницата  во функција од технички и безбедносен аспект.  Во изминатиов период направен е редовен годишен преглед од овластена институција, мониторинг од Државен инспектор за жичници, како и редовен технички преглед. Жичницата е повторно функционална и скопјани можат да ја користат - рече Иван Илиевски, директорот на ЈСП.

- Долго време жичницата не функционираше, но веќе од денеска сите граѓани повторно можат да ја користат, истакна Арсовска.

Засега во кабината е дозволено да се превезуваат максимум 4 лица, а носењето на заштитни маски е задолжително.