ПАРИСКИ ДОГОВОР ЗА КЛИМАТСКИ ПРОМЕНИ: Блумберг ќе искешира огромна сума на пари поради Трамповото повлекување

Добивај вести на Viber

Поранешниот градоначалник на Њујорк и филантроп Мајкл Блумберг вели дека има одговорност да помогне околу прашањето за  животната средина, бидејќи администрацијата на Трамп се повлече од својата улога во Парискиот договор за клима. Тој  во емисијата "Face the Nation" соопшти дека ќе напише чек од 4,5 милиони долари оваа година за да ја финансира таа мисија.

„Америка се обврза и ако Владата не го направи тоа, сите ние имаме одговорност. Јас можам да го направам тоа. Да, ќе испратам чек со пари што Америка ги вети на организацијата “, рече тој.

„Опасно е да продолжиме да го правиме ова што го правиме. Ако сите ја направат вистинската работа, да, тоа ќе биде подобро, но ако некои луѓе или некои земји ја направат вистинската работа, сите ние имаме корист од тоа", дополни Блумберг.

Минатата година, администрацијата на Трамп формално им соопшти на Обединетите нации дека САД планираат да се повлечат од климатскиот пакт на Обама. Како одговор на ова, Блумберг им се придружи на членовите на американската конференција на градоначалници кои што се спротивставуваат на повлекувањето на претседателот и ветија дека ќе ја потврдат својата посветеност за исполнување на еколошките цели за намалување на емисиите на јаглерод и покрај активностите на Трамп. Тој, исто така, објави дека неговата фондација, Блумберг Филантропи, ќе помогне во координирањето на американските напори наречени „Залог на Америка" и ќе поднесат општествен НДЦ - утврден придонес на национално ниво - наместо владин. Минатата година, тој вети дека ќе обезбеди 15 милиони долари за кои вели дека Секретаријатот за климатски промени на ОН ќе ги изгуби со повлекувањето на Трамп од пактот.

Но, Блумберг посочи  дека Трамп би можел да се предомисли и покрај тоа што е остар критичар на договорот.