Парите од продажбата на „Охис“ легнати на сметка, работниците од возбуда излегоа на протест
Објавено во: Финансии 12 Октомври, 2018
Над стотина поранешните вработени во „Охис“ се мобилизираа набрзина и излегоа на протест пред ССМ откако добиле дојава дека државата нема намера да им исплаќа за брзо време заостанати плати, иако изминатиот период дел од комбинатот беше продаден за 7,1 милиони евра.
На почетокот на годинава беше објавено дека Охис е продаден на фирмата „Хемиски инжинеринг“ која плати 7,1 милион евра за дел од имотот кој не беше продаден во извршни постапки. Во Централниот регистер стои дека позади „Хемиски инженеринг“ стои извесен Горјан Максимовски и компанија од Јужноафриканската република „Стил ен прешур инженеринг“ (Steel and preassure engineering).
-Парите од продажбата се легнати на сметка, но сега слушаме дека сакаат да ги пренаменат. Бараме помош од Синдикатот, а може и ќе се придвижиме пред Влада да протестираме. Најавуваме дека ќе го интинзивираме протестот, дека ќе кршиме, ќе лупаме по тенџериња и ќе палиме ако нема слух за нашите барања да ни се исплатат платите што ни ги должат – велат стечајците.
Протестот е испровоциран од информацијата дека парите наменети за исплата на нивните плати, ќе бидат пренаменети. Охисовци велат дека наводно во план е средствата да се искористат за чистење на токсичниот линдан од дворот на Охис.