09 Декември, 2022
0.0267

ПАРИТЕ ОД ПРОДАЖБАТА НА ВИЛАТА НА ТИТО НА МЕНХЕТЕН ГИ ДЕЛАТ ПЕТ ДРЖАВИ, колку пари ќе добие Македонија?

Објавено во: Балкан 29 Септември, 2022

Добивај вести на Viber

Прекрасен дворец од 20.000 квадратни метри на Петтата авенија 854 на Менхетен, еден од најстарите њујоршки дворци купени од Југославија во 1946 година, е продаден за 50 милиони долари, од кои 19,75 милиони долари одат за Србија.

Имено, продавач на вилата, која ја користеше и Постојаната мисија на Србија во ОН, се петте држави наследнички на поранешната Социјалистичка Федеративна Република Југославија, Словенија, Хрватска, Босна и Херцеговина, Македонија и Србија и вилата ја купила компанија со адреса во Њујорк.

Парите на тој начин се поделени на пет земји, а процесот на распределба на дипломатско-конзуларниот имот на поранешна Југославија беше воспоставен во 2016 година кога беше постигнат договор за продажба на недвижен имот. Според договорот за наследување, 39,5 отсто од парите добиени од продажбата треба да и припаднат на Србија.

Според Договорот, покрај Србија со учество од 39,5 отсто, следуваат Хрватска со 23,5 отсто, Босна и Херцеговина со 15 отсто, Словенија со 14 отсто и Македонија со 8 отсто.

Така Србија ќе добие речиси 20 милиони од продажба на скапа вила, но тамошните медиуми потенцираат дека со овој чекор всушност земјата се ослободила од голем трошок.

Согласно процентот кој досега е објавен во медиумите, Македонија грубо би требало да добие околу 4 милиони долари.

Вељко Одаловиќ, претставникот на Србија во Мешовитиот комитет за наследување на имотот на ДКП на СФРЈ, претходно изјави дека трошоците за одржување и чување на тие објекти се многу високи.

Така, за одржување на оваа скапа вила, почнувајќи од 1992 година до денес дадовме 5.040.000 долари.

Титовиот дворец што беше продаден е инаку најскапиот имот на Петтата авенија. Тој дворец е вила од варовник широк 30,5 метри, дизајнирана во 1903 година од архитектите Ворен и Ветмор од познатата Централна станица на Менхетен. Во 1969 година, тој беше прогласен за индивидуално обележје на Њујорк, поради „импресивната чистота на стилот изведена со таква финес и авторитет“.

Оваа прекрасна резиденција има 32 големи соби и 12 бањи распоредени на девет нивоа директно свртени кон Централ Парк. Спектакуларни погледи од 10 соби свртени кон паркот вклучуваат некои од најпознатите градби во Мидтаун и Вест Сајд, стари и нови. За време на Студената војна, наводно имало соба на врвот на зградата која никој не можел да ја прислушува, а имало и прозори отпорни на куршуми свртени кон Петтата авенија.

Повеќето од оригиналните детали на куќата останаа недопрени до ден-денес, вклучително и две неверојатни француски таписерии од 18 век над големите кривулести скалила, 17 камини, рачно врежани балустради направени од поединечни парчиња редок италијански мермер, златни листови, рачно насликани тавани кои потсетуваат на стара Европа, облоги од древен француски замок кој подоцна бил вграден во овој простор, и два лифтови.

Во 1946 година, Јосип Броз Тито, покојниот шеф на Југославија, купил куќа за Постојаната мисија на неговата земја во Обединетите нации.

Во 1961 година, Тито и претседателите на Египет, Гана, Индија и Индонезија подготвија план за создавање на Движењето на неврзаните во една од главните простории на замокот.

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Одреден притвор за човекот кој му удри тупаница на Сали Бериша

Одреден притвор за човекот кој му удри тупаница на Сали Бериша

СИНОЌА ИМАЛО ВООРУЖЕН ИНЦИДЕНТ НА КОСОВО - ранет е припадник на косовската полиција

СИНОЌА ИМАЛО ВООРУЖЕН ИНЦИДЕНТ НА КОСОВО - ранет е припадник на косовската полиција

НЕ БИЛЕ СПЕЦИЈАЛЦИ, АМА БРОЈОТ НА ПОЛИЦАЈЦИ Е ЗГОЛЕМЕН - и косовската страна се огласи, ги демантира медиумските извештаи

НЕ БИЛЕ СПЕЦИЈАЛЦИ, АМА БРОЈОТ НА ПОЛИЦАЈЦИ Е ЗГОЛЕМЕН - и косовската страна се огласи, ги демантира медиумските извештаи

НЕ СМЕ НИЕ ТИЕ ШТО САКААТ ПРОБЛЕМИ, НО МОЖЕ ДА ВРАТИМЕ 1.000 НАШИ БЕЗБЕДНОСНИ СИЛИ НА КОСОВО - што порача Петковиќ на вонредниот вечерен прес

НЕ СМЕ НИЕ ТИЕ ШТО САКААТ ПРОБЛЕМИ, НО МОЖЕ ДА ВРАТИМЕ 1.000 НАШИ БЕЗБЕДНОСНИ СИЛИ НА КОСОВО - што порача Петковиќ на вонредниот вечерен прес

НОВА ДРАМА НА СЕВЕРОТ НА КОСОВО - специјалци влегле во северниот дел на Митровица, вонредно обраќање на Петковиќ

НОВА ДРАМА НА СЕВЕРОТ НА КОСОВО - специјалци влегле во северниот дел на Митровица, вонредно обраќање на Петковиќ

Шефот на Граничната управа објасни што за Хрватска ќе значи влегувањето во Шенген

Шефот на Граничната управа објасни што за Хрватска ќе значи влегувањето во Шенген

СРПСКИОТ ДОКТОР НЕСТОРОВИЌ ПОВТОРНО ШОКИРАШЕ: Еве зошто децата се најранливи периодов после короната

СРПСКИОТ ДОКТОР НЕСТОРОВИЌ ПОВТОРНО ШОКИРАШЕ: Еве зошто децата се најранливи периодов после короната

ВУЧИЌ: Јас сум човек од село, навикнат сум на менувач

ВУЧИЌ: Јас сум човек од село, навикнат сум на менувач

ХРВАТСКА ВЛЕГУВА ВО ШЕНГЕН, БУГАРИЈА И РОМАНИЈА НЕ

ХРВАТСКА ВЛЕГУВА ВО ШЕНГЕН, БУГАРИЈА И РОМАНИЈА НЕ