ПАРЛАМЕНТАРНИ ИЗБОРИ ВО ГЕРМАНИЈА: Се бира наследникот на Ангела Меркел, неизвесноста ќе биде до крај

Добивај вести на Viber

Трката за функцијата канцелар на Германија, наследник на Ангела Меркел е целосно неизвесна, според последните прогнози, водечките партии се практично една зад друга.

Две водечки анкети објавени пред денешните парламентарни избори покажуваат дека социјалдемократите (СПД) има мала предност пред демохристијаните (ЦДУ). Првата, спроведена од Сиви за радиодифузерот ЗДФ, покажа дека СПД е стабилна со 25 проценти поддршка од електортот, но дека ЦДУ скокна на 23. Втората анкетата пак објавена одИнститутот Аленсбах покажува дека трката е уште позаострена со 26 проценти за СПД на 26 проценти, а 25 за ЦДУ.

СПД беше во водство со недели, но беше сведена на толку мала предност што речиси и да не постои, особено кога ќе се земе предвид статистичка грешка од околу 2,5 проценти.

Сепак, најпопуларниот кандидат за канцелар Олаф Шолц од СПД останува убедливо со 47 проценти поддршка од испитаниците дека ќе го изберат ако гласаат директно за канцелар, додека 20 проценти би гласале за гласаат за Армин Лашет од ЦДУ. Само 16% рекле дека сакаат Аналена Бербок од Зелените да биде канцелар.

Се чини дека коалициската влада е неизбежна, а многу веројатно е и трипартитна алијанса. Тоа ќе се случи за прв пат на национално ниво, како одраз на зголемената расцепканост на германската и пошироката-европска политика.