03 Јуни, 2020
0.0445

Патувачката училница Una vita da social – „Живот на социјалните мрежи“ на „Џифони Македонија“ во Скопје од 12 до 17 октомври

Објавено во: Мои пари 10 Октомври, 2019

Филмскиот фестивал за млади „Џифони Македонија“ ја има честа да биде домаќин на патувачката училница Una vita da social – „Живот на социјалните мрежи“, во која ќе се реализираат едукативни средби со ученици, студенти, наставници и родители. Веќе седум години низ цела Италија се реализира овој европски проект, кој е дел од проектот „Поврзани генерации“ – Безбеден интернет центар, што го координира Министерството за образование и наука на Италија, а го реализира Одделението за безбедност во комуникациите при италијанското Министерство за внатрешни работи. 


Благодарение на угледот што го ужива „Џифони Македонија“ во нашата земја, но и во странство, годинава Одделението за безбедност во комуникациите одлучи првата и единствена меѓународна активност во рамките на проекот да биде спроведена токму кај нас, за време на фестивалот „Џифони Македонија“.

Проектот е поддржан од Амбасадата на Италија во Скопје и од Министерството за внатрешни работи на РСМ, а за успешна реализација на едукативните активности се погрижија и СВР Скопје, Град Скопје, Општина Карпош, Општина Центар, Министерството за образование на РСМ и низа други институции.

Се очекува околу 500 ученици од основните училишта да ја посетат патувачката училница, која ќе престојува на повеќе локации во градот, и тоа: во понеделник на платото пред „Скопје сити мол“, во вторник пред „А1 Арената Борис Трајковски“, а во среда и четврток - на плоштадот „Фонтана“ во Градскиот парк.

Експертите ќе им илустрираат на слушателите како интернетот може да се користи на полезен и безбеден начин, преку запознавање со најнепредвидливите замки и навремена превенција и заштита од можни злоупотреби.


Училницата ќе ги отвори своите врати за учесниците на „Џифони Македонија“ од групите кадети и сениори веќе во сабота (12 октомври), пред Младинскиот културен центар, а во попладневните часови ќе биде префрлен пред платото на „Скопје сити мол“. В недела училницата ќе биде отворена за сите заинтересирани посетители.

Експертите од италијанската Полиција за безбедност во комуникациите ќе остварат средби и со колегите од МВР, од Секретаријатот за внатрешни работи и од полициските станици од сите скопски општини, како и со претставници на невладиниот сектор.


Можеби ќе ве интересира

ОКТА и вработените со еко акција донираа пречистувачи на воздух на Детската клиника во Скопје

ОКТА и вработените со еко акција донираа пречистувачи на воздух на Детската клиника во Скопје

Промовирана книгата „Најстари приказни“ од Томислав Османли

Промовирана книгата „Најстари приказни“ од Томислав Османли

Сопственикот на „НИКОБ“, Кирил Лазаров, лидер за Југоисточна Европа за 2020 година

Сопственикот на „НИКОБ“, Кирил Лазаров, лидер за Југоисточна Европа за 2020 година

Нова и несекојдневна атлетска трка HalkEco Хронометар 10KM!

Нова и несекојдневна атлетска трка HalkEco Хронометар 10KM!

Респираторите донирани од Кралството Норвешка пристигнаа во државата

Респираторите донирани од Кралството Норвешка пристигнаа во државата

Samsung го претставува Odyssey G7 гејминг монитор со најзакривениот екран досега и со најдобри перформанси во класата

Samsung го претставува Odyssey G7 гејминг монитор со најзакривениот екран досега и со најдобри перформанси во класата

Lyconet маркетерите неуморно работат и во вонредни услови

Lyconet маркетерите неуморно работат и во вонредни услови

Принципи за одговорни и етички комуникации потпишани од повеќе од 60 професионалци од целиот свет

Принципи за одговорни и етички комуникации потпишани од повеќе од 60 професионалци од целиот свет

За шопингот, виртуелниот живот, природата: Поларис истражување за однесувањето по Ковид-19

За шопингот, виртуелниот живот, природата: Поларис истражување за однесувањето по Ковид-19