Павле Гацов ги пофали новите даночни пријави
Објавено во: Економија 23 Април, 2019
Даночниот експерт Павле Гацов ги пофали новите даночни пријави на Управата за јавни приходи, кои од управата ги испраќаат сами од овој месец и треба само да се потврдат или коригираат, како мошне едноставни и практични.
„Ќе кажам за мојата пријава. Пријатно сум изненаден. Ем точна, ем прегледна. Аирлија. Со среќа, Министерство за финансии и УЈП. Добро сработено! Честитки!“, напиша консултантот откако ја евидентирал сопствената даночна пријава.
Годишната даночна пријава за данокот на доход за прв пат ја пополнува УЈП за секој граѓанин.
Пријавата за остварените приходи од 2018 ќе пристигнуваат електронски кај даночните обврзници до крајот на април, а рокот за нивно потврдување или одбивање е до крајот на мај.
Претпополнета годишна даночна пријава се испраќа за прв пат оваа година, а таа во наредните години ќе биде замена за годишната која се доставуваше до Управата за јавни приходи.
Се очекува ваква пријава да добијат околу 700 илјади граѓани регистрирани во електронскиот систем.