16 Декември, 2018
0.4413
    ALK 8197.71    -1.16%     FERS 67900    0%     GRNT 800.16    -2.3%     KMB 5024.07    -0.79%     MPT 46679.54    -1.73%     MTUR 4900    0%     OHB 6517    -0.43%     OILK 6000    0%     OKTA 4350    0%     RMDEN12 97.3    0.31%     RMDEN15 96.8    -0.41%     RMDEN16 97    0%     SBT 1950    8.22%     SOLN 170    0%     STB 1281.65    -0.63%     TEL 299.58    -0.14%     TNB 14180    -0.14%     TTK 1270    -0.78%     ZLRB 6170    311.33%

Пејчиновиќ Буриќ: Квалитетните реформи ќе ја приближат Македонија до ЕУ

Објавено во: Македонија 13 Март, 2018

Хрватската вицепремиерка и министерка за надворешни работи Марија Пејчиновиќ Буриќ при денешната посета на Македонија истакна дека само со квалитетни реформи ќе се доближиме поблиску до членството во НАТО и ЕУ, а тој процес ќе се забрза штом биде пронајдено решение за спорот за името со Грција. 

- Македонија има пријател во Хрватска и откако ќе се реши прашањето за името ќе ја добие нејзината поддршка за што е можно побрзо вклучување во НАТО и почнување на преговорите за влез во ЕУ - рече Пејчиновиќ Буриќ.

Напомена оти Хрватска ги поздравува напорите на Македонија за да го реши спорот со името на начин на кој ќе се почитуваат дигнитетот и идентитетот на двата народа. Поддршка даде особено и за влезот во НАТО, нагласувајќи дека Хрватската амбасада во Македонија е контакт на земјата со Алијансата.

Министерот за надворешни работи Никола Димитров посочи оти на средбата била истакната амбициозната цел на Македонија во однос на ЕУ и НАТО во текот на оваа година и додаде оти искуствата на Хрватска се мошне важни за земјава со оглед на тоа што таа последна пристапи во Европската унија.

Пејчиновиќ Буриќ одговарајќи на новинарско прашање да даде некакво искуство од Хрватска со оглед на тоа што и таа земја има се уште нерешен билатерален спор со Словенија и со тој спор стана членка на ОН, НАТО и ЕУ, рече дека билатералните прашања треба да се решаваат на билатерален начин. Потсети дека Хрватска има отворено гранично прашање со Словенија што е наследено од поранешна Југославија, но оти се прават обиди тоа прашање да се реши на билатерално ниво меѓу двете земји.

Во врска со можноста за прием на шесте земји од Западен Балкан во ЕУ до 2025 година, Пејчиновиќ Буриќ напомена оти не станува збор за фиксна година и додаде дека клучни за влез во Унијата се реформите што секоја земја ги спроведува, но и политичките околности во нив.

- Шесте земји се различни и различно чекорат по тој пат, при што поважен е патот отколку целта и квалитетно спроведување на реформите - рече шефицата на хрватската дипломатија.

Напомена дека некои реформи бараат подолг временски период како правосудните, но оти за ЕУ е мошне важно да согледа дека реформскиот процес отишол толку далеку што веќе нема враќање назад за одредената земја. Смета дека Македонија кога ќе ги почне преговорите за влез во Унијата ќе биде многу поподготвена од некои други земји коишто се во истиот процес.


Можеби ќе ве интересира

Каменос: Не знам од каде му се парите на Коцијас, но знам кој прв го смисли „Северна Македонија“

Каменос: Не знам од каде му се парите на Коцијас, но знам кој прв го смисли „Северна Македонија“

Заев поканет на отворање автопат во Бугарија, нема да оди

Заев поканет на отворање автопат во Бугарија, нема да оди

Сопственикот Истрефи вели дека кај нив нема грешка

Сопственикот Истрефи вели дека кај нив нема грешка

Познато кога Миленко Неделковски ќе се појави на суд за ширење омраза

Познато кога Миленко Неделковски ќе се појави на суд за ширење омраза

Познати основните детали: Компанијата на автобусот е од Струга, тргнал од Битола

Познати основните детали: Компанијата на автобусот е од Струга, тргнал од Битола

Владата нареди секое министерство и управен орган до февруари да даде придонес

Владата нареди секое министерство и управен орган до февруари да даде придонес

Чаусидис: Победата на Чадиковски е легитимна

Чаусидис: Победата на Чадиковски е легитимна

„Македонија пат“ бaра присебност од возачите

„Македонија пат“ бaра присебност од возачите

Никој уште не знае од каде тргнал превртениот македонски автобус

Никој уште не знае од каде тргнал превртениот македонски автобус