Пендаровски: Aко земјава се одлучеше за санкции кон Русија тоа би имало негативни последици
Објавено во: Македонија 16 Ноември, 2019
Претседателот Стево Пендаровски вели дека одлуката државата да не воведе санкции кон Руската федерација е наследена и донесена пред неколку години.
„Земјава е со економија во развој, постојат крупнки економски потешкотии со кои се мачиме за да постигнеме повисока стапка на раст, доколку земјава се одлучеше за санкции кон Руската федерација тоа би имало негативни последици кон домашната економија“, вели претседателот на државата, Стево Пендаровски.
На прашање дали има можност да се одвојат Македонија и Албанија од пакетот, Пендаровки рече дека францускиот претседател, Емануел Макрон неколку пати го прашал дали постои таква опција, но нагласи дека тој како претседател мисли дека треба да се држи само до својата земја и да објасни дали неговата држава заслужува датум за преговори.
Пендаровски повтори дека Макрон му кажал дека методологијата треба да биде усвоена до Март, по што на самитот на унијата во Мај во Загреб ќе има одлука за проширување за земјите што чекаат, Северна Македонија и Албанија.