Пендаровски бара брза разврска на „Рекет“
Објавено во: Македонија 22 Јули, 2019
Брзо решавање на случајот Рекет побара денеска шефот на државата.
Стево Пендаровски за аферата вели дека инсистира државните органи да ја истераат работата до крај.
- „Рекет“ да се реши брзо и до крај, да не се остави ни најмал сомнеж. Навистина до крај за да не се остави ни најмал простор за сомнеж, дека некој некого штити или дека повторно се рециклираат некои лоши практики од минатото, кога одредени политички фактори штитеа бизниси, односно беа заштита за криминалните бизниси и на тој начин знаеме до кое дереџе дојдовме-кажа Пендаровски, кој денеска беше во посета на Сојузот на стопанска комора на Македонија (ССК).
Од таму тој потсети на нотирањата на ЕК за извештаите од 2017 кога Македонија беше дефинирана како заробена држава пред се поради политичката поларизација.