Добивај вести на Viber
Претседателот Стево Пендаровски приреди традиционален годишен прием за претставниците на дипломатскиот кор акредитирани во нашата држава.
„Изминатиот период беше исполнет со големи предизвици и непринципиелни напади врз идентитетските параметри со кои можеби, на вербално ниво, само уште Украина се има соочено во поновата историја на Европа“, се пожали претседателот пред амбасадорите од земјите-сојузници.
Шефот на државата најави најверојатно и наскоро започнување на процесот на уставните измени на домашна сцена.
„Уставните промени би требало да бидат наскоро на домашната агенда и во овој контекст, потребна ни е атмосфера во која сите про-европски сили ќе може да се обединат и да ги испорачаат тие промени. Тој процес нема да биде лесен, а секоја натамошна провокација или атак врз нашиот идентитет, само дополнително ќе го усложнува“, рече Пендаровски.
За него, пред странските дипломати, рече дека ќе продолжи по патот на евроинтеграциите, дијалогот и соработката со сите соседи.