Пендаровски: Големите фармацевтски компании не се заинтересирани за малите пазари
Објавено во: Македонија 26 Јануари, 2021
Шефот на државата Стево Пендаровски очекува засилен ангажаман на САД на Западен Балкан по инаугурацијата на Џо Бајден како претседател на САД.
Македонскиот претседател во синоќешното интервју за ТВ Клан рече дека во неговата администрација има луѓе кои имаат директни искуства во регионот.
„Меѓу нив е Викторија Нуланд, која има лична релација и со нас, со Северна Македонија, но и со регионот“, рече Пендаровски.
Тој вели дека Западниот Балкан е исклучок од вакцинацијата затоа што се водат директни преговори со фармацевтските компании, кои не се заинтересирани за малите пазари.
„Ние бевме, практично, заборавени пред сè од големите фармацевтски компании, на кои им е битен профитот. Во нашите преговори со ‘Фајзер’ и со ‘Астра Зенека’ прво прашање кое беше поставено од нивна страна е колкав број на жители сме и дека сега во моментов нивен интерес се големите пазари. Ние не сме единствените каде не е започната вакцинацијата. Такви се и Босна, Албанија, Црна Гора“, изјави Пендаровски во интервјуто.