14 Декември, 2019
0.0286

Пендаровски од утре во својата прва претседателска посета, ќе ја пофали и опозицијата

Објавено во: Македонија 11 Јуни, 2019

Стево Пендаровски како новоизбран претседател на Македонија од утре е во својата прва странска посета како шеф на државата, а во Брисел ќе разговара за можностите што е можно порано, односно уште во јуни нашата земја да добие Датум за преговори од страна на Европската унија. Како еден од аргументите на Пендаровски, меѓу другото, ќе биде и тој дека Македонија е една од ретките земји во која опозицијата е активна во законодавниот дом.

„Посетата носи симболична порака и е со прецизна агенда и намера да им укажеме на сите со кои ќе имаме средби, особено на претседателот на Европскиот совет, Доналд Туск, дека Република Северна Македонија го исполни во целост својот дел од обврските. Јасно да пренесеме како ние гледаме на севкупната констелација на политичко-безбедносните аспекти и предизвици кои постојат на Западниот Балкан. Овде, првенствено мислам на аргументот дека сме единствена земја во регионот во која опозицијата е во Парламентот, единствена во која функционираат сите институции, единствена која нема ниту едно отворено прашање со соседите. Меѓутоа, не треба да се заборави и дека во регионот сè уште постојат одредени политички структури и поединци кои заговараат концепти за решавање на преостанатите проблеми, кои се не само анахронизам во 21-от век, туку претставуваат и потенцијална опасност за регионалната стабилност и безбедност“, изјави Пендаровски во едно од прашањата од денешното интервју за Дојче Веле.

Во однос на прашањето за ставот на Германија кон отпочнувањето преговори со Македонија и проширувањето на ЕУ, тој најави понатамошна средба со Сојузниот претседател Франк-Валтер Штајнмајер во Берлин, за која вели дека е убеден дека по истата ќе се реафирмира стратегиското сојузништво меѓу двете земји.

„Многу е важно што ние како држава ги исполнивме и двете потребни компоненти. Свесни сме дека  одлуката за добивање датум  е условена од реформите што треба да ги спроведе  секоја држава за да добие позитивен  извештај, а потоа шефовите на државите или владите на државите членки ја носат конечна одлука за почеток на преговорите“, додава македонскиот претседател

Можеби ќе ве интересира

ВМРО-НП e против тоа 80 отсто од амбасадорите да бидат дипломати од кариера

ВМРО-НП e против тоа 80 отсто од амбасадорите да бидат дипломати од кариера

На Ѓавато видливоста е намалена од 50 до 100 метри

На Ѓавато видливоста е намалена од 50 до 100 метри

Жена заврши во болница откако воз удри во автомобил

Жена заврши во болница откако воз удри во автомобил

Дождот ни го прочисти воздухот?

Дождот ни го прочисти воздухот?

ВМРО-ДПМНЕ ја објасни шемата на роднини и пријатели кои биле вработени во СЈО

ВМРО-ДПМНЕ ја објасни шемата на роднини и пријатели кои биле вработени во СЈО

ВЛАЖНИ КОЛОВОЗИ НИЗ МАКЕДОНИЈА: На неколку локации паѓа снег

ВЛАЖНИ КОЛОВОЗИ НИЗ МАКЕДОНИЈА: На неколку локации паѓа снег

Пендаровски задоволен, над 90 отсто од предложените амбасадори се дипломати од кариера

Пендаровски задоволен, над 90 отсто од предложените амбасадори се дипломати од кариера

Снег ќе паѓа во Македонија

Снег ќе паѓа во Македонија

Кацарска за Камчев: Mожеби и некој сакаше да го намести и да рече дека тој нуди парични средства

Кацарска за Камчев: Mожеби и некој сакаше да го намести и да рече дека тој нуди парични средства