Пендаровски остави копија од книга на Глигоров во библиотека во Париз
Објавено во: Македонија 12 Ноември, 2019
Книгата на првиот македонски претседател Киро Глигоров се најде во библиотеката на Парискиот мировен форум.
Шефот на државата Стево Пендаровски на Фејсбук информира дека во библиотеката на Парискиот мировен форум оставил копија од книгата на Глигоров.
„Во библиотеката на Парискиот мировен форум дадов копија од книгата „Македонија е сѐ што имаме“ од првиот претседател на независна Република Македонија Киро Глигоров. Таа е добар потсетник како во 1990-тите во време на конфликти на Балканот, се изборивме за самостојност и меѓународно признавање, процеси кои немаше да се случат без лидерството на претседателот Глигоров. Неговото наследство треба да биде водилка за сите што доаѓаме после него посетувајќи не дека имаме одговорност пред граѓаните да развиваме општество на соживот и просперитет насочено кон евро – атлантското семејство“, напиша Пендаровски.
Пендаровски во Париз имаше средба и со францускиот претседател, Емануел Макрон. Идната година Макрон ќе допатува во Македонија.