ПЕНДАРОВСКИ РАЗОЧАРАН: Договорот од Преспа на прво место е поради Европа, и одеднаш никаде ја нема ЕУ

Добивај вести на Viber

Maкедонскиот претседател, Стево Пендаровски во интервјуто за грчката телевизија „Алфа“ изјави дека одлуката во Брисел навистина беше шок за сите, не само за него и за народот, туку и за целата политичка елита. 

Рече дека на лидерската средба сите партии, без разлика дали се од власта или опозицијата биле со исти чувства и став, дека испорачале она што треба. 

„Го решивме тоа со Договорот од Преспа и одеднаш Европската унија ни вели ние не сме подготвени, бидејќи пред тоа треба да направиме некои внатрешни реформи. Тоа не беше искрено, ниту праведно за сите што се длабоко инволвирани во овој процес. Сето ова, Договорот од Преспа, сите реформи, но Преспа на прво место е поради Европа. Ние сакаме да бидеме дел од Европската унија. И одеднаш никаде не ја гледаме Европската унија. Никаде ја нема Европската унија“, вели Пендаровски, пренесе МИА.

Она што ќе биде на чекање сѐ додека не започнат пристапните преговори со ЕУ е делот што се однесува на внатрешната и надворешната коресподенција и употребата на новото име, додава претседателот. 

Пендаровски прашан дали му пречи „Северна“ во името на државата, во интервју за „Recite Al Jazeeri“ на „Ал Џезира Балканс“, во кое зборува за разочарувањето од недобивањето датум за почеток на преговорите со Европската унија, рече дека му пречи, но се надева дека со текот на времето ќе се навикне. 

Пендаровски, утре ќе престојува во официјална посета на Република Албанија. Тоа е прва официјална посета на претседателот Пендаровски на Албанија.

Инаку, бура од реакции донесе една изјава на францускиот амбасадор во државатаКристијан Тимоние кој се обиде да ја објасни одлуката на Франција и претседателот Макрон да стави вето за отворање на пристапните преговори на Македонија со Европската Унија.