Пендаровски во Шведска се возеше со воз
Објавено во: Македонија 14 Октомври, 2021
Македонскиот претседател Стево Пендаровски, кој е во посета на Шведска, се возеше со воз, и објави фотографија на социјалните мрежи.
Тој патувал на релација Малме - Гетеборг - Стокхолм.
„Не е ретка глетка да се видат шведски функционери како користат јавен превоз за да се движат низ и меѓу шведските градови. Всушност, тоа е претпочитаниот начин на транспорт низ цела Шведска за луѓе од сите возрасти и сфери на живот. Една од причините: грижа за животната средина, бидејќи возовите придонесуваат помалку за емисиите на јаглерод отколку авионските патувања“, пишува Шведската амбасада во Скопје по повод посетата на Пендаровски.
За време на своето патување, придружуван од шведската амбасадорка Кристин Форсгрен Бенгтсон, тој имаше шанса да ужива во шведска фика со земички од цимет и кардамон.