Пендаровски за името: Немаше Влада што не се согласи со било каква додавка

Добивај вести на Viber

Бев записничар кај двајца претседатели и немаше Влада што не се согласи со каква било додавка за името, но историјата ќе каже чија е одговорноста, вели претседателот на државата Стево Пендаровски за Преспанскиот договор со кој беше сменето уставното име на нашата држава. Ова тој го изјави во телевизијата само вистина за Канал 5 телевизија.

„Не постоеше никакво расположение кај која било политичка постава, се додека не се појавија Заев и Ципрас, да се менува името. Клучната одредба која денес ја има во Преспанскиот договор, а е многу важна за нашиот идентитет, е што постои македонски јазик внатре, МКД, МК, македонски…“, рече шефот на државата.

Прашан дали е можна ревизија на Преспанскиот договор, Пендаровски смета дека е можно, но не е реално. 

„Објективно во секоја идна Влада, како и досега, имате значаен албански партнер, на кои да не се лажеме, името Македонија, идентитетот и јазикот македонски, не им значи бидејќи тие не се Македонци и тие би сакале да бидат во обединета Европа. За нив тоа е примарна политичка цел“, нагласи претседателот. 

За примената на Преспанскиот договор, шефот на државата порача дека ние треба да бидеме многу понастојчиви и политички, не само правно, за трговската ознака, за што е формиран тим од експерти од двете страни, кој треба во рок од три години да донесе решение за ознаките за се што се извезува од нашите две држави во светот. 

„Се додека тоа не се направи, вие не можете да го присвојувате тоа име“, рече Пендаровски.