Пензионерите си враќаат милијарди од скратните бонуси во кризата
Објавено во: Балкан 04 Март, 2019
Случајот за ретроактивна исплата на бонусите на милиони пензионери се развива во епска судска сага, со побарувања кои се движат според висината на секоја пензија и периодот на побарување. Сепак, според проценките, вкупната фискална цена на пресудите изнесува околу 4,2 милијарди евра годишно.
Катимерини дознава дека повеќе од 50 судски одлуки веќе се издадени во корист на пензионерите кои презеле дејства против нелегалните намалувања на пензии во 2012 година поради финансиската и должничката криза која удри по грчката економија. Адвокатите проценуваат дека всушност постојат повеќе од 80 такви пресуди, додавајќи дека првите неколку одлуки за жалби исто така почнаа да се објавуваат, главно во однос на случаите поднесени пред јуни 2015 година.
Фокусот сега се префрли на Државниот совет, кој ќе мора да ја реши судбината на законот воведен во 2016 година од тогашниот министер за труд, Јоргос Катругалос.
Сепак, многу правни експерти веруваат дека одлуката на највисокиот административен суд во земјата - која засега е одложена - нема да стави крај на проблемот со исплатата на ретроактивните пензии, што значи дека конечното решение ќе треба да дојде од судските одлуки.