ПЕТРОВСКА: Се проценуваше дека со оставката на Заев ќе се надминат проблемите, но се виде како погрешна одлука
Објавено во: Македонија 18 Јуни, 2024
Според Славјанка Петровска која се кандидираше за претседател на СДСМ, лошите резултати на изборите влечат корен од 2021 година.
Петровска вели дека со оставката на Зоран Заев од претседателската позиција се мислело дека ќе се решат проблемите во партијата.
„Се проценуваше дека со оставката или со повлекувањето на Зоран Заев од функцијата лидер и премиер ќе се надминат проблемите. Но, се виде дека погрешна одлука, или недоволна анализа на резултатите доведоа до одредени процеси и затоа денеска во 2024 година резултатите се катастрофални за СДСМ“, изјави Петровска за „Дејли клик“.
Таа рече дека не сака тоа да му се случува на СДСМ.
„Подготвена сум да преземам одговорност да бидам предводник на реформите и предводник на промените кои неминовно мора да се случат“, порача Петровска.
По лошиот изборен резултат, Димитар Ковачевски се повлече од лидерското место во СДСМ.