Петровска: Со издавањето на информациите од Чулев, акцијата против кокаинот најмногу настрада во Босна и Херцеговина
Објавено во: Македонија 22 Февруари, 2020
Со предвремено објавување информации за акцијата во Крушопек, министерот за внатрешни работи Наќе Чулев, ја загрози целата меѓународна акција, рече во вчерашното издание на емисијата „360 Степени“ на Алсат, дополнителна заменик-министерка за внатрешни работи, Славјанка Петровска.
„Со издавањето информации однапред и соопштувањето дека станува збор за огромна акција, од страна на министерот Чулев, се информирани и структури кои не треба да бидат информирани во тој момент, дека во нашата земја се одвива акцијата“, рече Петровска, откривајќи дека целата акција била предводена од Обвинителството на Италија.
Според Петровска, министерот Чулев добил предупредување од италијанските власти дека издавањето информации во јавноста за акција што е во тек, е крајно несоодветно.
„Со издавање на информациите однапред и соопштување дека станува збор за огромна акција од страна на министерот Чулев, се информирани и структури што не треба да бидат информирани во тој момент дека во нашата земја се одвива акција“, рече Петровска.
Според неа, најголеми последици за акцијата имало во Босна и Херцеговина, каде исто како и во земјава, била следена контролирана пратка на кокаин.
„И на крај, бидејќи акцијата е пробиена, не е постигнат посакуваниот ефект, односно она што италијанските власти очекувале дека ќе се случи“, рече Петровска.