Петрушевски: Само со нашата истрајност ќе победиме, сите емисари си отидоа дома
Објавено во: Македонија 20 Април, 2017
Aктерот Ванчо Петрушевски вечерва на протестот на граѓанската иницијатива „За заедничка Македонија“ рече дека ако треба ќе останат уште 1000 или 5000 дена, затоа што знаат за што се дојдени.
Вели дојдени се за да го одбранат она што им е свето, името, татковина, Македонија.
„Само со нашата истрајност ќе победиме. Сите странски емисари си отидоа, платениците на Сорос се вратија посрамени дома. Хан, Могерини, Билт, Туск се вратија дома. Испратија пропаднати соросоиди да не убедуваат да ја прифатиме Тиранската платформа. Замислете, европратеници кои не ги сакаат ни во нивните држави. Туск не смее да се врати дома, му излегоа да го бркаат. Тие доаѓаат правда да ни делат? Луѓе кои сакаат да ни ја поделат Македонија, не ја даваме, ќе стоиме на браникот секој ден, се побројни. Еди Рама, платеник на Сорос, човек без образ кој не им мисли добро на Албанците во Македонија, ги излажа со Тиранската платформа само за оние да имаат корист. Албанците овде немаат корист, тие немаат друга татковина исто како нас. Македонија е татковина и на Македонците, и на Албанците и на Србите, на Власите, на Турците, на Ромите, Бошњаците, Македонија е татковина на сите“ - рече актерот.
Тој порача дека не ја даваат Македонија и дека предавничка коалиција нема да помине.
За претседателот Ѓорѓе Иванов рече дека го добил прекарот железен претседател и дека храбро настапил во однос на Тиранската платформа.
Иницијативата утре треба да даде предлози за излез од кризата, како што најави.