Петти ден нема ни трага ни глас од Марија Брзакова, полицијата неуморно трага
Објавено во: Македонија 23 Јануари, 2020
Петти ден нема ниту трага, ниту глас од 28 годишната Марија Брзакова од Босилово која исчезна на 18.01 2020 во раните утрински часови.
Како што известувааат од струмичката полиција за Струмица Денес, полицијата по Марија трага неуморно со голем број на полициски службеници со користење на службени кучиња трагачи.
Претходно, најблиските бараа помош да се најде Марија.
„Помогнете ни да ја најдеме, таа никогаш не би го оставила своето семејство“, очајно молеа најблиските на 28-годишната Марија, која заминала од дома и не се вратила.
Мајката на Марија раскажала за Фокус дека документите но и мобилниот на девојката и се дома, а таа излегла во тренерки.
Не е познато ниту дали исчезнатата на себе имала патики или пак влечки.
„Сите сме вознемирени, Марија не би си го оставила детето никогаш.Таа е семеен човек, има костенлива долга коса, висока околу 160 сантиметри“, раскажала мајката.