Пилот висеше на далновод откако се урна авион
Објавено во: Свет 19 Септември, 2019
Еден од пилотите висеше на каблите од далновод, откако белгиски борбен авион Ф-16 се урна во Франција.
Пилотот е симнат по двочасовна операција на француските итни служби. Каблите биле со напон од 250.000 волти.
Пилотите имале полесни повреди откако скокнале од авионот во близина на градот Плувиње во Бретања. Авионот закачил најмалку една куќа пред да се урне.
Командирот на белгиските воздушни сили Фредерик Вансена изјави дека авионот летал на височина од 500 метри, кон француската воена база во Лоријан.
Авионот направен во 1983 година не носел оружје за време на летот и бил во добра состојба при полетувањето. Пилотот пријавил проблеми со моторот.