Планирал ли Иванов навистина да прогласи воена состојба за 27 април?
Објавено во: Македонија 07 Декември, 2018
Шефот на државата ниту планирал ниту пак некогаш помислувал да прогласи воена состојба на крвавиот четврток.
Ова станува јасно и се посочува во последното соопштение од кабинетот на Ѓорѓе Иванов.
Од таму отфрлаат било каква вмешаност за денот кој ќе остане врежан во умовите на многумина пратеници, но и новинари кои се затекнаа во тој момент во Собранието.
Според Иванов неговото вмешување во тие настани било очаен обид за конструирање сценарио и истото е неосновано.
-Ова е уште еден во низата очајни обиди за конструирање сценарио за неосновано вмешување на Кабинетот на претседателот на Република Македонија и лично на претседателот на Република Македонија во настаните од 27 април 2017 година“ посочија од кабинетот на претседателот чиј мандат се ближи до крајот.
Судењето за случувањата во Собранието на 27 април минатата година ќе продолжи в понеделник на 10 декември.