29 Март, 2024
0.0409

Гасот во Карпош ќе потече следната грејна сезона!

Објавено во: Македонија 02 Јануари, 2013

Добивај вести на Viber

Од следната грејна сезона гасот ќе стане реалност за дел од жителите на Карпош. Целосна гасификација се очекува во следните две до три години. Гасот ќе се дистрибуира преку јавното претпријатие ГАМА,  а во меѓувреме општината треба да ја изгради секундарната мрежа. Најлесни за приклучок ќе бидат големите корисници и индивидуалните објекти. Колективните згради остануваат проблематични, затоа што освен согласност од сите станари неопходна ќе биде заедничка инвестиција во котелот на гас Соња Јованова Наумовска Жителите на скопската општина Карпош ќе имаат можност да се греат на гас од следната грејна сезона. Јавното претпријатие Каргас, формирано за таа цел, веќе добило понуда од неколку големи корисници за приклучување на мрежата и замена на досегашниот, скап систем на греење. Очекувањата се дека со гасот, карпошани ќе добиваат и до 30% помали сметки за греење и еколошки поквалитетни параметри на енергенсот. „Веќе имаме разговори со големи корисници, како што е комлексот технички факултети во Карпош кои и официјално побараа приклучок, а таквите потрошувачи ни се многу важни, затоа што каде ќе бидат големите потрошувачи, тие линии ќе бидат и за граѓаните достапни. Во втора фаза ќе се приклучат и колективните згради. Целосно покривање на територијата на Карпош очекуваме за 2-3 години“, вели Љупчо Димов, раководител на секторот за енергетика на општина Карпош. Моделот на гасификација во Карпош се разликува од оној во Струмица и моделот што го користи Куманово. Димов објаснува дека дистрибуцијата на гасот ќе ја врши јавното претпријатие ГАМА, а снабдувачите ќе бидат фирми кои ќе се бираат на тендер. Постапката предвидува три мерни станици за гас кои се врзани на прстенот на ГАМА, од кои едната поминува лево од булеварот Теодосиј Гологанов, населбите Козле и Нерези, втората линија ќе биде во Тафталиџе 1, кај училиштето Јан Амос Коменски и третата мерна станица ќе биде од Карпош 1 до Карпош 4. Постои и четврта линија кај Момин Поток, Злокуќани и Бардовци но таа се уште не е подготвена од страна на ГАМА. „Ние спроведовме анкета на 22.000 корисници или на 99% од сите субјекти во општината и 80% имавме позитивно изјаснување за воведување на гас. Таа анкета ја пренесуваме на наши карти и ја гледаме концентрацијата на интерес и таму каде што има најголем интерес таму ќе почнеме“, додава Димов. Најлесни за приклучок сепак ќе бидат големите корисници и индивидуалните објекти. Колективните згради остануваат проблематични, затоа што освен согласност од повеќето станари, ќе мора заеднички да инвестираат во котелот на гас а некои ќе треба да инвестираат и во инфраструктура, ако досега не се грееле на парно. Во општина Карпош се надеваат дека кога ќе ја изградат секундарната мрежа, ќе можат да влезат во јавно- приватно партнерство со приватни компании со што инвестицијата во гасификацијата на Карпош би била значително исплатлива.

Можеби ќе ве интересира

СЕ ОГЛАСИ ЛИДИЈА ДИМОВА: Во присуство на Исмајлоска, Заев побара од мене да ја повлечам пријавата за злоупотреба на 2,2 милиони евра

СЕ ОГЛАСИ ЛИДИЈА ДИМОВА: Во присуство на Исмајлоска, Заев побара од мене да ја повлечам пријавата за злоупотреба на 2,2 милиони евра

(ВИДЕО) Љубе Бошковски и Стојанче Ангелов рамо до рамо со Христијан Мицкоски

(ВИДЕО) Љубе Бошковски и Стојанче Ангелов рамо до рамо со Христијан Мицкоски

„ДУИ мисли на договор со кој цела територија на Македонија ќе се покрие со казина“: Хајредини со остра критика

„ДУИ мисли на договор со кој цела територија на Македонија ќе се покрие со казина“: Хајредини со остра критика

Тројца починати и тројца тешко повредени во сообраќајка во Кичево

Тројца починати и тројца тешко повредени во сообраќајка во Кичево

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав