19 Јануари, 2022
0.0213

ПЛАТА ОД НАД 840 ЕВРА ВО НОВИ КОМПАНИИ ВО ЗОНИТЕ: Деспотовски - се преговара за три големи енергетски инвестиции

Објавено во: Економија 14 Јануари, 2022

Постигнати се договори за инвестиции во зоните кои во 2022 година треба да надминат сума од 188 милиони евра, а од кои треба да се отворат нови 2.700 работни места, информираше денеска Јован Деспотовски директорот на Дирекцијата за технолошко индустриски развојни зони (ТИРЗ) на прес конференцијата на која ги презентираше резултатите од постигнатото и идните планови. Вели дека договорите се обезбедени со паметен пристап, а она што радува е што тие вработени ќе имаат плата во компаниите од 843 евра во просек. 

Според анализата само со овие нови инвестиции до 2025 година во ТИРЗ ќе има раст од 19 отсто на бројот на вработувања, на над 16.000, раст на приходите кај компаниите за 100 отсто, односно за 3,2 милиони евра, а во следните 10 години во буџетот на годишно ниво ќе се слеат дополнителни 150 милиони евра, што е за речиси 400 отсто повеќе споредено со 2020 година.

Деспотовски најави и дека во напредна фаза на преговори се дополнителни инвестиции од близу 300 милиони евра. 

Информирајќи за 2021 година Депотовски рече дека економските активности во ТИРЗ во 2021 година се највисоки досега од постоењето на зоните, а со новиот концепт за привлекување на инвестиции воведен пред една година се постигнати договори од речиси 190 милиони евра. Од технолошко индустриските развојни зони (ТИРЗ) во изминатата година се извезени производи во вредност од досега рекордни над три милијарди  евра што е за 6,5 проценти повеќе во однос на 2019 година и околу 15 проценти повеќе од 2020 година.

„Овие бројки јасно укажуваат дека економијата не само што го надмина пандемискиот период туку бележи серозен раст. Очекувам трендот на раст да продолжи со оглед на тоа што дел од компаниите со кои потпишавме договори годинава веќе ќе започнат со производство и работа, така што очекувам и сегашното рекордно ниво да биде надминато веќе во 2022 година, “ изјави Деспотовски

ТИРЗ годинава има спроведено и неколку нови проекти меѓу кои и старт на новиот Зелен стратешки инвестициски фонд кој треба да поттикне „зелени“ инвестиции од 750 милиони евра, а за кој веќе се изготвени три конкретни проекти во енергетскиот сектор. Воведен е и нов систем за грижа на корисници кој нуди персонализирана поддршка на компаниите а преку кој веќе се процесуирани над 3000 нивни барања. Исто така спроведена е измената на Упатството за оправдани инвестициски трошоци која за првпат е изработена од меѓународна ревизорска куќа и во соработка со компаниите, а Воведен е и модел на надворешен мониторинг на реализација на обврските од договорите со инвеститорите (од страна на реномирана ревизорска куќа).

„Со новото упатство како и со воведениот надворешен мониторинг на договорите за државна помош јасно се заштитуваат интересите на државата, за компаниите се воведуваат прецизни правила на функционирање,“ рече Деспотовски.

Деспотовски најави и дека во 2022 ќе се реализираат повеќе иницијативи, меѓу кои воведување на програми за домашни компании, заедно со меѓународната корпорација ИФЦ наменети за технолошко унапредување и можност за вмрежување на домашните компании во синџирот на набавки, потоа програма за поттикнување на раст на продуктивностнаменета за развој на вештини и поттикнување на продуктивноста на работниците и компаниите, нова програма #Добра работа со цел поттикнување на раст на добро платени работни места во компаниите во ТИРЗ како и поттикнување на поголема мобилност на трудот во националната економија како и нова кампања за презентација на инвестициски можности  во странство со цел  поттикнување на инвестиции со фокус кон сите индустрии под мотото #Растеме заедно.

А.Т.

Можеби ќе ве интересира

Нафтата ќе надмине 100 долари за барел

Нафтата ќе надмине 100 долари за барел

СИНДИКАТОТ ПОРАЧУВА: Ќе има протести и ќе блокираме се ако се укине правото на недела неработен ден

СИНДИКАТОТ ПОРАЧУВА: Ќе има протести и ќе блокираме се ако се укине правото на недела неработен ден

ХАЏИДИНЕВ ЗА ФАКТОР: Во 2022 година планираме емисија на нова перпетуална обврзница

ХАЏИДИНЕВ ЗА ФАКТОР: Во 2022 година планираме емисија на нова перпетуална обврзница

НОВ СКОК НА ЦЕНИТЕ: Од денес точиме горива поскапо

НОВ СКОК НА ЦЕНИТЕ: Од денес точиме горива поскапо

ЧЕТВОРИЦА ГАЗДИ ЗАРАБОТИЈА КЛУЧ НА ВРАТА ЗОШТО ИМ НАШЛЕ РАБОТНИЦИ КОИ НЕ ТРЕБАЛО ДА РАБОТАТ ВО НЕДЕЛА - Државниот инспекторат за труд ги засилува контролите

ЧЕТВОРИЦА ГАЗДИ ЗАРАБОТИЈА КЛУЧ НА ВРАТА ЗОШТО ИМ НАШЛЕ РАБОТНИЦИ КОИ НЕ ТРЕБАЛО ДА РАБОТАТ ВО НЕДЕЛА - Државниот инспекторат за труд ги засилува контролите

Еден од најискусните македонски бизнисмени ќе застапува странски компании

Еден од најискусните македонски бизнисмени ќе застапува странски компании

ИНТЕРВЈУ ГЕШОВСКИ: ЕЛС како најголема доставна компанија нуди партнерство за правни и физички лица во разработен и профитабилен бизнис

ИНТЕРВЈУ ГЕШОВСКИ: ЕЛС како најголема доставна компанија нуди партнерство за правни и физички лица во разработен и профитабилен бизнис

Регистрациите на нови автомобили на најголемиот европски пазар на најниско ниво од 1985 година

Регистрациите на нови автомобили на најголемиот европски пазар на најниско ниво од 1985 година

Зошто Централните банки во светот се префрлаат од долар на злато?

Зошто Централните банки во светот се префрлаат од долар на злато?