Пленковиќ: Фасцинантно е што земјите како Македонија ги блокираат на патот кон ЕУ, а тие и покрај тоа имаат голем ентузијазам
Објавено во: Македонија 19 Јуни, 2023
Хрватскиот премиер Андреј Пленковиќ е зачуден од ентузијазмот кој го има Македонија на патот кон ЕУ, иако доживува блокади.
„Блокадите се неправедни, создаваат лоша атмосфера. Хрватска сака билатералните прашања да ги решава интелигентно, а не на начин што претставува пречка за преговорите“, рече хрватскиот премиер Андреј Пленковиќ на прославата на десетгодишнината од влегувањето на Хрватска во Унијата на 1 јули 2013 година.
Вели дека Македонија е во најголемиот проблем и дека е „фасцинантно“ што земјите што го доживуваат тоа сè уште имаат висок ентузијазам кога станува збор за влез во ЕУ.
Пленковиќ нагласи дека руската агресија врз Украина го сменила ставот на старите членки кон проширувањето и дека сега веројатно ќе биде побрзо.
Македонија прво доживеа вето од Франција, а потоа и од Бугарија на патот кон ЕУ. Сега Македонија треба да ги внесе Бугарите во Уставот за да продолжи да преговара со ЕУ.
foto facebook