Плус пари за осум клучки за автопатот Кичево - Охрид
Објавено во: Финансии 19 Јуни, 2018
Во моментот се преговара за дополнителните активности и средства кои не биле предвидени со проектот за изградба на автопатот Кичево - Охрид, како што се клучките, споредните патишта и довршувањето на тунелот. Според проценките, изградбата на клучките би чинела околу 30 милиони евра, а во следниот период, како што најави Китанов, акцентот ќе биде ставен на косините после тунелот кои се во должина од осум милиони метри кубни.
Директорот на јавното претпријатие за државни патишта Зоран Китанов очекува дека за околу еден месец ќе се знае уште колку точно средства ќе бидат потребни за изградба на овој автопат.
– Треба да изградиме минимум осум клучки коишто ќе ги опслужуваат луѓето од Кичево до Охрид. Како што е сега проектиран патот, од Кичево до Охрид не ќе може ниту да се качите, ниту да се симнете. Мора да има сервисни патишта – изјави Китанов.
Ќе биде побарано и од Парламентот да се пренаменат од една во друга ставка 220 милиони евра од заемот од Ексим банка кои сега стојат на располагање, но не може да се искористат.
Во завршна фаза е и експропријацијата од првичната траса, но со дополнителните активности се очекува да се појават и нови експропријации.