15 Јули, 2020
0.0410

ПО БРУТАЛНОТО ЗАДУШУВАЊЕ: Протести против расизмот низ цела Америка

Објавено во: Свет 31 Мај, 2020

Протестите поради смртта на Џорџ Флојд, Афроамериканец кој беше брутално задушен од полициски службеник во понеделникот во Минеаполис, се проширија низ цела Америка, од источниот до западниот брег на земјата.

Протестите и нередите поради расизмот и самоволието на униформираните лица ги вратија спомените од свежите изблици на гнев по случаите на полициско насилство и стрелби врз претставници на црномурестото население во Фергусон, Балтимор и Шарлот пред неколку години.

Синоќа, демонстрации и судири со полицијата имаше во Филаделфија, Питсбург, Мајами, престолнината Вашингтон, Атланта, Денвер и Милвоки, потоа во Чарлстон, Јужна Каролина, но и во Флорида, Тексас, Тенеси, Охајо и Јута.

Полициски часови беа воведени во повеќе градови, како мерка да се спречи собирање во толпи, кога пандемијата од коронавирус сеуште ги тресе некои делови од САД. Полицијата во многу случаи употреби солзавец за да ги растера толпите.

Полицискиот час продолжи во Минесота, а беше воведен и во Луисвил, Кентаки, каде гневот беше изразен поради неодамнешната смрт на црномуреста жена од страна на полицаец, во инцидент што се случил во домот на жената.

Во Њујорк, во Бруклин и Менхетен, илјадници протестираа и останаа до доцна вечерта, скандирајќи, барајќи правда, во судир со претставниците на законот. Гневните граѓани превртија стотина возила, 15 луѓе беа задржани.

Протести имаше пред градското собрание на Сан Франциско, толпа од илјадници го запре сообраќајот во центарот на Мајами, каде полицијата употреби солзавец.

Во Минеаполис, каде се случи убиството на Флојд, и град што настрада најмногу, синоќа помина петтата ноќ протести. Гувернерот на Минесота ја активираше Националната гарда, но не прифати помош од армијата и распоредување на воена полиција понудена од министерот за одбрана, Марк Еспер.

Околу три илјади протестанти се собраа и во Чикаго, палејќи знамиња, оставајќи зад себе запалени возила и графити со спреј на објектите.

Протести синоќа имаше во над триесет градови во САД. Протестантите го изразуваа својот гнев поради самоволието на униформираните лица, а во некои случаи ним им се приклучуваа и локалните власти, како градоначалничката на Чикаго, Лори Лајтфут. Сепак, повика луѓето да се воздржат од насилство.

Слично, во Лос Анџелес, имаше протести како сеќавање на бруталното претепување на Родни Кинг од страна на полицијата во 1991 година.

Во некои градови властите предупредија дека во мирните протести се инфилтрираат екстремисти, дојденци од други градови за да прават неред и да нанесуваат штети

МИА

Можеби ќе ве интересира

Престолнината на Венецуела оди во карантин

Престолнината на Венецуела оди во карантин

Бебе се заразило преку крвта на мајката во плацентата

Бебе се заразило преку крвта на мајката во плацентата

Македонец во Мелбурн осомничен за убиство на сопругата

Македонец во Мелбурн осомничен за убиство на сопругата

Полицајка убила маж по кавга за неносење маска

Полицајка убила маж по кавга за неносење маска

НЕВРЕМЕ ОТКОРНА НАД 50 ДРВЈА: Москва е во мрак

НЕВРЕМЕ ОТКОРНА НАД 50 ДРВЈА: Москва е во мрак

(ВИДЕО) Поплава „проголта“ куќа за 5 секунди

(ВИДЕО) Поплава „проголта“ куќа за 5 секунди

СМЕТААТ ДЕКА Е ПОЗАРАЗЕН: Италијанците се плашат од „српскиот“ коронавирус

СМЕТААТ ДЕКА Е ПОЗАРАЗЕН: Италијанците се плашат од „српскиот“ коронавирус

Десет милиони деца во светот можеби нема да се вратат во училиште

Десет милиони деца во светот можеби нема да се вратат во училиште

ЌЕ БИДЕ СЕ ПОЛОШО АКО НЕ СЕ СЛЕДАТ ОСНОВНИТЕ МЕРКИ - Тедрос со нова порака

ЌЕ БИДЕ СЕ ПОЛОШО АКО НЕ СЕ СЛЕДАТ ОСНОВНИТЕ МЕРКИ - Тедрос со нова порака