ПО ДОГОВОРОТ НА ЗАЕВ И МИЦКОСКИ: Работни групи од денес ќе ги кршат копјата за СЈО
Објавено во: Македонија 18 Март, 2019
СЈО ќе биде во фокусот на работните групи кои од денеска почнуваат со пазарот околу институцијата која произлезе од Пржинскиот договор.
Работни групи на СДСМ и на ВМРО – ДПМНЕ од денеска ќе работат на новиот предлог закон за јавно обвинителство со кој се предвидува интегрирање на Специјалното јавно обвинителство во Јавното обвинителство.
Ова беше најавено по минатонеделната средба во Владата на премиерот Зоран Заев и лидерот на опозициската ВМРО-ДПМНЕ Христијан Мицкоски.
Двете најголеми партии не се согласуваат околу кадарот на Специјалното јавно обвинителство.ВМРО ДПМНЕ не ја сака Катица Јанева а во тој што го предлага власта е токму Јанева да остане на чело на СЈО уште една година а потоа да се избира нов шеф, а Катица да може да се реизбира повторно.
Токму законот за СЈО е темата околу која двете најголеми партии ќе ги кршат копјата .